كما وعدناكم موقع مذكرات اسلامية يقدم نصائح باستمرار مطلقة سألوها بعد الطلاق : إيه الدروس الي أتعلمتيها من التجربة ؟ قالت :

عدم التهور و أسمع أكتر ما أتكلم … أسيب ديماً الباب موارب يمكن يكون في فرصة تانية … أواجه مشاكلي بنفسي و مسمحش لحد التدخل فيها …

👈 سؤال :

و مين شجعك من أهلك علي طلاقك ؟ كلهم تقريبا ؛؛ مفيش حد فيهم حاول مره واحده يقولي حافظي علي بيتك …. مفيش حد فهمني إني بخرب بيتي و بضيع مستقبلي و مستقبل أولادنا …

👈 سؤال :

و أهلك واقفين جمبك دلوقتي زي ما كانوا واقفين معاكي و بيشجعوكي علي الطلاق ؟ مفيش حد فاضيلي و لا فاضي لأولادي أخويا إللي ياما شتم و سب طليقي أتجوز و عايش مع مراتة وخلف ؛ لو يوم غضبت يعيط زي العيال علشان ترجعله …

اختي بعد ما أنا اتطلقت ؛ اتعلمت من تجربتي لو حصل خلاف بينها و بين جوزها تحله في بيتها ….

👈 سؤال :

عملتي إيه بفلوس الطلاق والقايمة ؟

كل إلي أحتاج حاجه من أخواتي و أهلي خدوها و باقي القايمة مرميه في مخزن تحت البيت
👈 سؤال : لو طليقك عايز يرجعك لعصمته ممكن ترجعى
انا أتمنى ارجع لكن هو مش ممكن يفكر يرجعنى بعد ما أهناه و لف ورايا على محاكم الأسرة و بيلعن اليوم اللى اتجوزنى فيه

👈 الخلاصة :

أنتي كنتي مجرد حقل تجارب ؛ وليمة كلهم كلوا منها و شبعوا و بطونهم اتنفخت بس أنتي هتعيشي وتموتي من الجوع

جوع المشاعر … جوع الأسرة والبيت المستقر قدرك أنك تشوفي غيرك مبسوط و مرتاح و أنتي بتتحسري علي حياتك إلي ضيعتيها بإيدك و بأرادتك

💪 الكل بيقولها اتطلقي.. و ابتدي من جديد.. و الحياة فاتحالك دراعتها.

😞مين قال إن الطلاق حاجة سهلة و بسيطة و محببة كده؟ مين أصلًا يجروء يدي واحدة نصيحة يقولها اتطلقي؟

😠مين يقدر يشيل وزر قرار انفصال اتنين كانو سكن لبعض.

احذروا حفظكم الله ورعاكم حتي لا يتدخل الشيطان فينزغ بينكم ويفرق الاسرة في لحظات الغضب فوالله ما ينفعكِ احد بعد الطلاق ولو صبروا معكِ بعض الوقت

اسال الله العظيم ان يحفظ كل المسلمين ويجعل بيوتهم مستقرة وفي امان الله وحفظه ورعايته اخوكم … ا شريف محمود

☆ لما بنقول ماتقبلوش الضرب و الإهانة و لا الخيانة دي مش دعوة للطلاق أبدًا

🚫ده تصحيح غلط بيوقع أضرار جسيمة علي الست و علي أطفالها لأنه مش وضع طبيعي و لا يرضي ربنا.

اللهم احفظ بيوت المسلمين من كل سوء🤲🌹

 

Print Friendly, PDF & Email

How useful was this post?

Click on a star to rate it!

Average rating / 5. Vote count:

As you found this post useful...

Follow us on social media!

We are sorry that this post was not useful for you!

Let us improve this post!

Leave a Reply

Your email address will not be published. Required fields are marked *